呢隻外來黑貓，我地叫佢*黑朱郎*，都幾大隻，係男仔黎。
以前久唔久會出現，應該來揾女朋友吧。不過而家農場既貓全部已絕育。無貓女對佢有興趣。
近呢個月，黑朱郎長期躲在膠籮和垃圾桶附近，應該是聞到罐頭的香味，或者佢偷食過後就念念不忘。佢由細細聲喵，到大大聲追住我們來喵，明示要食香噴噴的魚肉罐頭。
好吧，放近花舖的位置吃吧。不要再躲在垃圾桶旁。黑朱郎的毛色由啡啡漸漸變成黑亮。而且塊面圓左無咁扁了。
其他貓狗也習慣了黑朱郎的存在。
白貓太郎由長期怒啤住牠，到現在大家各自有罐頭食就算數。
不過黑朱郎昨日突然追跑過的白頭妹妹，白貓太郎即刻衝前兇牠和炸尾。QQ糖亦馬上來調停。
然後黑朱郎好似靜下來，明白作客唔應該攪事。
貓狗既事情，佢地識得自己處理。
黑朱郎，如果你乖，或者有一日選擇留下來，就請告訴我們吧。
＃靚寶
＃黑朱郎
＃專用雞公碗
Search